PRESENTACIÓN

En tempos de crise e desencanto, as agrupacións culturais galegas Musiquina 33mg e O Reencanto producións, plantexan un  gran evento transformador e unificador para o audiovisual galego.

Vigo é a cidade máis habitada de Galiza e precisa dun festival con renome nacional e internacional. A primeira edición fomentará a existencia dunha plataforma galega do cine onde @s creador@s poderán exhibir as súas obras e optar aos galardóns segundo a súa categoría en competencia.

As nosas organizacións e veciñ@s da cidade consideramos que a esperanza, os soños e a ledicia son o camiño para construir un futuro mellor.

Entre as datas 30 de Maio e 2 de Xuño do 2012, celebrarase en Vigo a primeira edición do Festival Primavera do Cine en Vigo. Onde poderan participar todas as galegas e galegos cineastas e creadores audiovisuais que envíen as súas obras ao noso apartado de correos, e por suposto sexan seleccionadas para a competencia. Tamén optarán a concurso as obras de extranxeiros feitas na nosa terra.

Para coñecernos e para coñecervos sumaremos ao espazo cultural da nosa cidade a gran celebración dun festival de cine completiño; Longametraxes, Curtametraxes e Videoclips serán as categorías en competencia, e o xénero é libre (documentais, animacións, videoarte, ficcións...) sempre que cumprimenten as bases e nos envíen a ficha de inscripción e requerimentos antes do 25 de abril do presente ano ao noso apartado de correos.